രക്ഷ ഇപ്പോള്‍ സാധ്യമോ
സുവി. പി. ജി..ജെയിംസ്, തണ്ണിത്തോട്
വിശ്വസിക്കുന്ന ഏതൊരു പാപിക്കും ദൈവകുഞ്ഞാടിന്റെ രക്തത്താല്‍ പാപ പരിഹാരം ഉടനടി ലഭിക്കും. നാം പാപപങ്കിലമായ ഒരു ലോകത്തില്‍ ജീവിക്കുന്നതി നാല്‍ രക്ഷിക്കപ്പെടുവാന്‍ സാധിക്കുകയില്ല എന്ന് ചിന്തിക്കേണ്ടതില്ല.പാപാന്ധകാരം നിറഞ്ഞ ഈദുഷ്ടലോകത്തില്‍ ജീവിക്കുന്നമനുഷ്യര്‍ക്കുവേണ്ടിയാണ് ദൈവം രക്ഷ ഒരുക്കിയത്. പാപികളും ദുഷ്ടന്മാരും അതിക്രമക്കാരും നീചന്മാരും തിങ്ങിനിറഞ്ഞ ഈപാരില്‍ പാര്‍ക്കുന്നവര്‍ക്കും അങ്ങനെയുള്ളവര്‍ക്കും വേണ്ടിയാണ് ക്രിസ്തു കാല്‍ വരിയിലെ ക്രൂശില്‍ മരിച്ചത്. പക്ഷെ വിശ്വസിച്ചേറ്റു പറയുന്ന ഒരു പാപിക്ക് രക്ഷിക്കപ്പെടുവാനും സ്വര്‍ഗ്ഗരാജ്യത്തിന്റെ അവകാശിആകുവാനും കഴിയുന്നില്ലെങ്കില്‍ ഏത് തരത്തിലുള്ള രക്ഷയാണ് ദൈവം ഒരുക്കിയത് ?ആ രക്ഷയുടെ മഹത്വവും നിസ്തുല്യതയും എന്താണ് ? രക്ഷിക്കപ്പെട്ടാല്‍ പിന്നെയും തെറ്റുകള്‍ ചെയ്യുകയില്ലെ? പിന്നെയെന്തിനാണ് രക്ഷിക്കപ്പെടുന്നത് ? പ്രമാദമായ ഇത്തരം പഠിപ്പിക്കലുകള്‍ ക്രൈസ്തവ നഭോ മണ്ഡലത്തില്‍ പ്രചുരപ്രചാരം നേടിക്കഴിഞ്ഞു. ഇപ്പോള്‍ രക്ഷിക്കപ്പെടുവാന്‍ സാധിക്കുകയില്ല എന്ന് ചിന്തിക്കുന്നത് കേവലം അത്ഞത കൊണ്ടാണ്. ഈലോകത്തില്‍ വച്ചുതന്നെയാണ് നാം രക്ഷിക്കപ്പെടേണ്ടതും ദൈവമക്കളായി ജീവിക്കേണ്ടതും അവരെ ലോകത്തില്‍ നിന്ന് എടുക്കേണം എന്നല്ല ദുഷ്ടന്റെ കൈയ്യില്‍ അകപ്പെടാതെവണ്ണം അവരെ കാത്തുകൊള്ളേണം എന്നത്രേ ഞാന്‍ അപേക്ഷിക്കുന്നത് (യോഹ. 17:15) എന്നത് കര്‍ത്താവിന്റെ പ്രാര്‍ത്ഥനയാണ്.
വിശ്വസിച്ച് ഏറ്റുപറയുന്ന മാത്രയില്‍ തന്നേ രക്ഷിക്കപ്പെടുവാന്‍ കഴിയും. ഇപ്പോള്‍ ആകുന്നു രക്ഷാദിവസം (Now is the day of salvation) എന്നതാണ് തിരുവെഴുത്തിന്റെ ഭാഷ്യം. ഇന്നു നിന്റെ സമാധാനത്തിനുള്ള രക്ഷ കാണേണമെന്നുതന്നെയാണ് ബൈബിള്‍ ഉപദേശിക്കുന്നത്. കര്‍ത്താവായ യേശുവില്‍ വിശ്വസിക്ക എന്നാല്‍ നീയും നിന്റെ കുടുംബവും രക്ഷപ്രാപിക്കും (പ്രവ്യ.16:31). ഇവിടെ വിശ്വസിക്കുക എന്നതും രക്ഷ പ്രാപിക്കുക എന്നതും ഒരേ സമയത്തു നടക്കുന്നകാര്യമാണ്. വഴിയില്‍ വെച്ച് നശിച്ചു പോകാതിരിപ്പാന്‍ പുത്രനെ ചുംബിപ്പിന്‍ (സങ്കീ.2:12) ഈ ലോകമരുഭൂയാത്രയില്‍ തന്നെ രക്ഷകനെ കണ്ടെത്തുക എന്നതാണിവിടെ ഉദ്ദേശിക്കുന്നത്. കര്‍ത്താവായ യേശുക്രിസ്തുവിന്റെ പുനരാഗമനം എപ്പോഴാണ് നടക്കുന്നതെന്ന് പിതാവാം ദൈവത്തിനല്ലാതെ മറ്റാര്‍ക്കും അറിവില്ലാത്തതിനാല്‍ അതിനു മുന്‍പെ രക്ഷിക്കപ്പെടെണം. ക്രിപയുടെ വാതില്‍ അടയുന്നതിനുമുമ്പെ ക്രിപയാലുള്ള രക്ഷ കണ്ടെത്തണം. മനുഷ്യനില്‍ ദൈവാത്മാവ് സദാകാലവും വാദിച്ചുകോണ്ടിരിക്കയില്ല (ഉല്പ. 6:3) എന്നതിനാല്‍ ദൈവാത്മാവ് ഇടപെടുമ്പോള്‍ തന്നെ രക്ഷിക്കപ്പെടേണം. നമ്മുടെ ലോകജീവിതത്തിന് തിരശ്ശീല വീഴുന്നതിനുമുമ്പേ (ലൂക്കോ. 12:20) ദൈവവിഷയമായി സമ്പന്നനാകേണം; അഥവാ ദൈവവുമായി വ്യക്തിപരമായ ബന്ധമുണ്ടാകേണം.
ഈ യുഗത്തില്‍ രക്ഷിക്കപ്പെടുവാന്‍ സാധ്യമല്ല എന്ന് പഠിപ്പിക്കുന്നവര്‍ ഉദ്ധരിക്കുന്ന ചില വേദഭാഗങ്ങളും അവക്കുള്ള വിശദീകരണവും ചുവടെ ചേര്‍ക്കുന്നു:-
പ്രസ്തുത വിഷയത്തിലേക്ക് കടക്കുന്നതിനുമുമ്പ് രക്ഷ എന്ന പദം ആത്മരക്ഷയ്ക്ക് മാത്രമല്ല ഉപയോഗിക്കുന്നത് എന്ന് നാം മനസ്സിലാക്കിയിരിക്കണം. മാത്രമല്ല രക്ഷയെക്കുറിച്ച് പഠിക്കുമ്പോള്‍ അതിന് രക്ഷിക്കപ്പെട്ടു, രക്ഷിക്കപ്പെട്ടുകൊണ്ടിരിക്കുന്നു,രക്ഷിക്കപ്പെടും എന്നിങ്ങനെ മൂന്ന് അവന്താരഘടകങ്ങളും ഉള്ളതായി കാണാം. (പ്രസ്തുത വിഷയം പിന്നീട് വിശദീകരിക്കുന്നതാണ് (തുടരും)
